Aksidente entre dos vehikulo riba Gosieweg

Polisial

WILLEMSTAD – Alrededor di 10:45 di ayera polisnan mester a bai Gosieweg pa un aksidente ku mester a tuma luga entre dos vehikulo ku basta daño material. Na momentu ku polisnan a yega na e sitio a bin haña dos persona ku a resulta heridá i tambe mester a pidi pa Rescuewagen pa asina korta un di e vehikulonan pa saka e viktima ku a keda pegá den outo. Kousa di e aksidente aki ta pa falta di preferensia. Polisnan a sera e kaminda pa asina Forensys por a hasi mas investigashon di e aksidente aki. Ambulans a duna ambos viktima prome asistensia pa despues transportá nan pa poliklinika pa mas tratamentu mediko.

Leave a Reply