Ayera tabatin apertura di Skol di Peskeria

Awe Lokal

WILLEMSTAD. Ayera a tuma luna Restorant Visserij na Piscadera apertura Skol di Peskeria kaminda a hiba palabra Sr. Gijs Boer i Sr. Peter Oostwouder. Despues Minister di Salubridat Suzanne Camelia-Romer a hiba algun palabra i finalmente minister Hensley Koeiman. Na final Sra. Jeanine Cozijns-Isenia kende ta e persona ku ta enkargá ku struktura di e kurso a splika amplio e meta i kon e struktura e skol ta hinka den otro.

E kurso ta pa Korsou so i e ta partí den dos fase:
• Opleiding Nivo 1 SBo i
• 2. opleiding Nivo 2. ku ta ensera un piskado ku ta siña e fishi aki pa un periodo di dos aña i su asistent pa un aña.

Naturalmente nan lo tin pasa nan èksamen di Vaarbeweijs, nan mester sa algu di EHBO, mantenshon di boto si por ehempel si motor di e boto faya kiko mester hasi. Téknika di peska, den kua area tin mag di piska i kua tipo di piská por piska. Lokual e kurso aki ta enfoká riba dje ta Formashon Personal i Profeshonal, i Sosial bou di guia intensivo. Tambe e hoben lo siña algun idioma strañero.

Despues di palabra di sra. Cozijns-Isenia un dje kursistanan a entrega Minister Suzanne Camelia-Romer un plaka di mérito pa na final a keda un ratu ameno den kompania sosial.

Leave a Reply