Bashar Al Asad a kompaña su kasa pa su promé seshon di kimoterapia

Internashonal

DAMASCUS – For di komienso di yüli tabatin rumornan ta sirkulá ku Asma al Assad (43) kasa di presidente Bashar al Assad a keda notifiká pa un dòkter na Inglatera ku e tin kanser na un di su pechunan. Aparentemente e informashon ku e dòkternan na Inglatera a duna Asma al Assad ta ku e kanser ta maligno pero debí ku ela yega na tempu ku kimoterapia lo por skapa su bida. Pa e motibu aki Bashar Al Asad a disidí pa laga dòkternan militar na e hospital militar na Damascus mes trata su kasa Asma al Assad.

Ayera den oranan di dia Bashar Al Asad a kompaña su kasa Asma pa su promé seshon di tratamentu di kimoteria na e hospital militar na Damasco. Basha Al Asad a deklará ku su kasa Asma tabata kuné den bon i malu i tin konfiansa den e dòkternan militar ku lo skapa mama di su pa tres yunan.