E a drenta i sali ora e aña ta bon….Tin mas detaye relashoná ku retiro di spesialista di laboratorio

Lokal

WLLEMSTAD. Ta lógiko ku pregunta a lanta kon un profeshonal mediko ku tin un kontrat di 40 mil florin pa luna por tabata ‘aparentememnte’ asina kaprichoso ku poko a importé ku e laboratorio na Korsou a duné retiro. Ta dos splikashon so por tin pe kaso aki: sea e sa ku e por gana e plaka ei otro kaminda i hasta mas. Of su karakter ta pone ku e no por tuma òrdu di esun ku ta pag’é.

Den ambos kaso ta difisil pa traha ku un hende asina pasobra pa 40.0’00 florin pa luna ta un trabou masha importante e mester ta traha. Sigur si e ta traha den ramo di salú di hende. A primera bista e laboratorio lokal a duna e mediko laborant retiro pasobra e no kier a asisti na un reunion ku nan a konvoké i despues di a kaba di firma kontrat kune. no te profeshonal tin ku disidi si e reunion por tuma lugá via video.

Pero loke ta hasi e relashon ku e profeshonal mas difisil ta ku ta masha difisil pa komunika kune i ta drenta i sali su trabou manera Pedro por su kasa. Pa wes, e komportashon aki ta motibu pa duné retiro al instante. Liña kòrá den e kaso aki tabata ku e dos partidonan no por traha mas ku otro i wes a bendishoná e retiro.