E tin ku sinta 10 luna den wangalan…. Tep na polis a hasi ku a gara Roberto Cathalina ku arma i droga.

Lokal

WILLEMSTAD – Polis a gara e suidadano Roberto Cathalina di 33 aña di edat ku 2 arma di kandela i 18 gram di mariwana.
Tabata dia 20 di òktober 2017 ku polisnan a pone man riba Roberto Cathalina, despues ku kualke persona den su ambiente direkto mester a yama polis i a basha abou riba dje. Ta un tep anónimo a drenta kontra di Cathalina.
Wes a puntra Roberto Cathalina ayera den sala si e ta un negoshante den arma di kandela. Roberto Cathalina a ninga, pero no a rechasá su kulpabilidat den e dos akusashonnan kontra dje.
Fiskal a haña ku 3 aña di kastigu pa Roberto Cathalina ta na su lugá i a demandá e kastigu ei plùs pa laga saka e arma for di sirkulashon i distrukshon di e droga.
Wes mr. Gruijters a tene kuenta ku e hecho ku Cathalina ta un firstoffender i a wanta e kastigu na 15 luna di prizon di kua 5 luna kondishonal.

Leave a Reply