Famianan a perde caso den Hoge Raad pero ainda por haci demanda pa daño y perhuicio

Aruba

Un caso cu Corte di Husticia Comun a trata y cu despues famianan di un Colombiano cu un comando policial di Aruba a tira mata na 2012 a haya un decision den e instancia mas halto riba e tema di daño y perhuicio cu e famia a pidi. Peticion di e famia a wordo nenga. Un yiu menor di edad di e Colombiano a demanda Gobierno di Aruba pa paga compensacion pero e procedura scoge no tabata esun corecto.

Den e caso aki tabatin varios sentencia for di 2013 bin ariba y ora e abogado a perde tur e casonan, ela acudi na Corte Supremo. E caso ta cu dia 22 di februari 2012, 6 aña pasa, miembronan di Team di Aresto di Aruba a tira dos Colombiano mata cu nan a bay pa aresta. Husticia Mericano a pidi Hustisia di Aruba pa yuda nan captura e Colombiano. Tur cos tabata regla pa e Colombianonan topa cu e agente di DEA cu Merca a manda pa haci un transaccion di droga riba e tereno di Renaissance Market Place. Ora e miembronan di e Team di Aresto a sospecha cu e doñonan dje droga a yega den un Daihatsu, nan a drenta den accion pa aresta nan. E agentenan kier a aresta e hendenan den e Daihatsu i ‘lamentablemente’ nan a tira dos di nan mata.

Fiscal Mayor di Aruba a informa Consul di Colombia e tempo aya cu Ministerio Publico lo no persigui e agentenan y casa y yiunan di e Colombianonan a cuminsa un caso den C pa haya daño y perhuicio. E caso aki a tuma luga na 2012 y casi dos aña despues e famia (tres grupo) a aserca e bufeta local di mr. David Kock pa haci un demanda contra pais Aruba. Door cu ta 3 grupo, mester a haci 3 caso separa. Corte di prome instancia a duna e famia rason, cu na a acudi na e hues corecto pa pidi e daño y perhuicio.
Pais Aruba a apela e decision aki, pero solamente bisando cu e no ta responsabel pasobra e personanan tabata criminalnan. Hof di ripente y contrario na Corte di Prome Instancia a bin cu e punto cu no ta na e Hues Civil mester a bay pero mester a haci uzo di un procedura cerca e Hues penal pa pidi daño di perhuicio. Esaki tabata un issue, pasobra e procedura penal (articulo 178) ta indica cu bo mester pidi esaki denter di 3 luna cu e caso a caba. Den e caso aki e caso a caba cu e asesinato di e Colombianonan, pues na 2012 y 3 luna a pasa hopi tempo caba.

P’esey e famianan y nan Abogado a dicidi di bay den Cassatie pa bin claridad riba e punto aki. Diabierna mainta Hoge Raad a ratifica e decision di Hof, esta cu berdad no ta cerca e Hues civil sino esun penal mester acudi, pero cu e periode di 3 luna no ta conta pa hendenan otro cu e sospechoso (manera e famia) y cu esakinan por cuminsa un caso te cu 5 añaa despues cu e caso a cera.

Tabatin mas cu un sentencia di esun di Hoge Raad, ya cu ademas di e punto ariba menciona, e famia y nan Abogado a cuminsa un caso manera cu Hof a indica (di articulo 178 Procedura Penal) y eyden Hues a acepta e famia (maske cu e 3 luna a pasa caba) y a otorga e suma di Af 61.971,- na e prome grupo. Pa e otro dos famianan e caso a wordo wanta pendiende kico Hoge Raad lo a dicidi y awor cu Hoge Raad a confirma cu e termijn di 3 luna no ta conta pa nan, esaki lo sigui. Pues nan por haci e demanda pa da৭o y perhuicio como famia di e fayecidonan.

Leave a Reply