Fayo ku dagfar ta kousa retraso den kaso di maltrato

Lokal

WILLEMSTAD. E suidadano Sidney Juana (28 aña di edat) no tabata presente den sala di korte ayera. Sidney Juana ta akusá di a maltratá un suidadano di fam Martinez Gomez dia 5 di yüni 2017 ku slanan di moketa den kara i den boka. Ademas Sidney Juana riba e mesun fecha ariba menshoná a destruí un outo Opel Astra ku e plachi di number H51-67, kibrando glasnan di e vehíkulo, hasiendo uzo di un pida palu i of un otro opheto duru. Pa tratamentu di e kaso ayera den sala di korte Sidney Juana no tabata presente, sí su abogado señora mr. M. Gomes.

Aparentemente e dagfar no a keda entregá di forma korekto, es desir no di manera ku e akusado por a tuma nota di dje ku lo e mester tabata presente ayera den sala di korte. Enfin, ta bai stipulá otro fecha pa tratamentu di e kaso.

Leave a Reply