Felida mes no tabatin sèn…. Minister Martina a regalá plaka di pueblo di forma ‘ingenuo’

Lokal

WILLEMSTAD. Den un akto altamente iresponsabel i sabiendo ku e no tin sèn di su mes pa organisá un evento muksikal internashonal manera Ponton, e promotor Felida a kontratá un emprea pa promové i organisá e konsierto pa na ultimo ora kanselá e evento i baha bai Ulanda sin paga ningun hende.
Esun ku a keda altamente perhudiká ta instansianan di gobiernu ku ta kai bou di minister Steven martina ku a duna e homber ken sa miles di florin.
Di akuerdo ku parlamentario Walroud, no ta un sekreto ku pa organisá evento musikal internashonal bo mester sufisiente kapital propio (òf akseso na kapital) pa prefinansiá e evento sabiendo ku un gran parti di e entradanan di un evento ta drenta nèt un par di dia promé ku e evento i sobrá durante i hasta te despues di e evento.

Den e kuadro aki tin indikashon fuerte ku e promotor en kuestion no tabata tin sufisiente kapital propio i ku dor di esaki e evento mester a para. Esaki ku tur tipo di konsekuensia negativo pa hende, turista, kompania i imágen di Kòrsou komo destinashon turístiko.
Walroud tin diferente pregunta riba e asuntu aki.
E ke sa ki dia òf kuantu tempu pasá minister Martina a risibí e plan di e Ponton Festival i ki dia spesífikamente CTB a risibí e plan di e Ponton Festival i kuantu supsidio di CTB a pidi CTB di parti di e Ponton Festival.
Ademas e ke sa kiko e prosedura ta ora drenta petishon pa supsidio, kiko e petishonario tin ku kumpli kune i kua departamento ta hèndel esaki.
Ta screen e promotor i/o kompania di e promotor ta parti di e proseso/prosedura i ken ta tuma e desishonnan aki i kon esakinan ta wòrdu tumá ta otro preguntanan klave.
Walroud ke sa tambe kuantu supsidio CTB a duna na Ponton Festival i di ki forma Ponton Festival lo (a) risibí esaki.

Leave a Reply