…Felix Pinedo… Ta ora pa konsientisá pueblo (Part II) Teknikamente Hospital Nobo Otrobanda ta di SEHOS??

Awe Lokal

WILLEMSTAD. Mi hasi hasta e remarke publikamente ku a traha e hospital nobo riba tereno di Sehos sin ku pueblo a mira ningun akuerdo notarial entorno ‘vruchtgebruik’ di e tereno. Si esaki ta bèrdat anto pa lei (e prinsipio di e asina yamá ‘natrekking’) e edifisio HNO ta propiedat di Sehos.
Na promé luga ta Sehos mester kontesta i no HNO ni e minister (gobièrnu).

Tin prinsipionan den ‘administratiefrecht’ ku ta dikta ku gobièrnu no mag di entremete den asuntunan privá di organisashonnan privá (‘doorkruising’). Naturalmente pa ku e asuntu di kuido di salú ku ta algu primordial pa nos pueblo, gobièrnu i Sehos méster sinkronisá un ke otro. Pero e manera ku ta komunika esaki ku pueblo ta pone ku tin pensamentu robes riba e totalidat. Gobièrnu i Sehos mester pone bon kla pa pueblo e diferensha entre e ròl di HNO i esun ku lo bai ‘run’ e hòspital nobo.

Gobièrnu ta doño di e edifisio i HNO ta representa gobièrnu i mester sòru pa mantenshon di e edifisio, pa e inventario (muebles, makinaria et cetera). Esun (Sehos) ku ta bai ‘run’ e hòspital ta sòru pa e parti di kuido di salú. Sehos lo mester bai paga HNO un suma pa por ehempel hür e edifisio. Ami no a tende e splikashon aki ser duná na pueblo ainda. Sehos mester sali bisa mayan ku ta nan ta bai ‘run’ e hòspital nobo. Tambe mi a menshoná kaba ku si entre otro mester kambia e konstelashon di Stichting St.

Elisabeth Hospitaal, e identidat nobo mester ta e asina yama ‘rechtsopvolger’ di Sehos. Pues manera ta ser bisá den lenguahe huridiko, ‘onder algemene titel’.
Pues e fundashon nobo lo tuma ‘alle lusten en lasten’ di Sehos, konsekuentemente tambe e posishon huridiko di e trahadónan i penshonadonan i futuro penshonadonan.

Leave a Reply