Flatbottom a ranca waya na Centro di Husticia

Aruba

Diabierna merdia, pa mas o menos 12:10, coriente a bay na Centro di Husticia na Macuarima. Un rato despues a drenta e melding cu ta un flatbottom DT-7, carga cu un forklift riba dje, a pasa ranca e wayanan di coriente dilanti e entrada di Centro di Husticia, tumbando e palo di luz por completo.

E polisnan di e districto mesora a sali pa atende cu e situacion, desviando trafico pa asina e instancianan concerni por haci e trabounan necesario di reparacion. E flatbottom tabata treciendo e forklift pa e mes warda pa algun trabou necesario. E departamento di trafico lo haci e investigacionnan necesario. adhunto algun foto di e situacion na e sitio.

Leave a Reply