Gobierno a entrega Protocol firma na Parlamento

Aruba

ORANJESTAD – E siman aki, Prome Minister Evelyn Wever-Croes den nomber di Gobierno di Aruba, a entrega e protocol cu a wordo firma entre Minister di Relacionnan Exterior di Hulanda Stef Blok y ‘Vicepresidente Sectorial de Economia’ di Venezuela Wilmer Castro Soteldo.

Den e acuerdo firma aki a haci palabracionnan cu a conduci cu Venezuela a retira e embargo cu el a pone riba e islanan Aruba, Corsou y Boneiro dia 6 di januari ultimo. A wordo determina cu e relacion entre Aruba y Venezuela lo wordo normalisa y cu trafico di lama y aereo lo wordo restaura. Un otro acuerdo importante ta cu palabracionnan previo lo wordo realisa door di gruponan di trabou pa completa transporte entre e paisnan.

Gobierno di Aruba, siguiendo e acuerdo aki, a instala un comision cu lo enfoca pa stablece e condicionnan cu mester wordo cumpli pa transporte di personanan, cargacionnan y pa siguridad di e botonan cu ta yega di Venezuela.

Prome Minister a pidi Presidente di Staten señor Ady Thijsen pa informa Parlamento y a laga sa cu e lo mantene Parlamento informa di e desaroyonan tocante e situacion aki.

Leave a Reply