Gobièrnu merikano lo investigá: Si e atentado kontra Maduro tabata planeá of tin evidensianan kreibel

Internashonal

WASHINGTON – John Bolton asesor di seguridat nashonal merikano a sigurá ku gobièrnu merikano no a partisipá na ningun momento na e supuesto atentado kontra presidente Nicolas Maduro. Ta p’esei nan lo bai laga investigá ku si realmente e atentado aki a keda planeá pa e propio régimen di Nicolas Maduro of tabatin realmente un atentado di sivilnan kontra e mandatario venezolano.

John Bolton a bisa ku servisio di inteligensia merikano NSA i FBI huntu ku nan koleganan di Interpol pa e region di Amérika Latina ta bastante leu kaba nan e investigashon i ku pronto lo bai tin un kontesta pasa realmente ken lo por ta e outornan tras di e supuesto atentado kontra bida di Nicolas Maduro. Pa gobièrnu merikano mester tin evidensianan real i no akusashonnan infundá pa Nicolas Maduro haña simpatia di paisnan ku a sanshoná su régimen.