Hoben di 15 aña menasa cu un cuchiu na Seroe Patrishi

Aruba

ORANJESTAD – Dialuna, pa mas of menos 8’ory 20 di anochi, Central ta manda patruya na altura di e casnan di pueblo na Sero Patrishi pa un pelea y menasa cu arma blanco.
Eynan ta papia cu B., tata di e hoben JB di 15 aña, kende a declara cu e conocido hoben “Pepita” S, a bin na e sitio y a menasa su yiu homber cu un cuchiu y cu e lo hink’e. E problema aki a tuma luga diadomingo, ora cu tabata tin un discusion riba Facebook riba famia di un ke otro. S. tabata tin un tshirt blanco y lo mester a bandona e luga na pia y despues a drenta den un Nissan March color beige. E homber B. a wordo avisa pa bay na recherche di Playa pa duna keho si e ta desea esey.
Durante e asistencia, hobennan den vecindario a tira auto di polis cu piedra. Un di nan a keda deteni. Mientras cu un patruya tabata intermediando, un otro patruya di Playa a presenta pa haci control den vecindario, caminda cu un auto a wordo para. Den e auto polis a haya un cantidad chikito di un ke otro substancia, caminda e tres ocupantenan a keda deteni.

Leave a Reply