Hoben di 21 aña detené pa poseshon di droga

Lokal

WILLEMSTAD. Antayera 17 di mei alrededor di 19.44 or di anochi, Tim di Rèspòns a kontrolá dos vehíkulo ku tabata stashoná kantu di kaminda den área di Sabana Hundu.
Durante di e kontròl polis a haña i konfiská den un di vehíkulonan un saku di plèstik ku mariwana i un arma di kandela ku tabata bentá abou na un distansia for di e vehikulo. Relashoná ku esaki polis a detené e okupante di e vehíkulo e hòmber, D.C.J., di 21 aña di edat, nasé na Kòrsou, komo sospechoso pa violashon di Lei di Opio i Arma di Kandela. A presentá e sospechoso dilanti un Fiskal ouksiliar ku a ordená su enkarselamentu pendiente di mas investigashon.

Leave a Reply