Integridat di Kuerpo Polisial a yega na nivel di Sodoma I Gomora

Polisial

WILLEMSTAD – E ultimo informe relashona ku aktonan ku Hefe di PR di KPC a komete ka pone ku te hasta ka tuma medidanan disiplinario kontra di dje no ta un ‘schoonheidsprijs’ pa KPC.
Danki Dios no ta tur agente polisial na Korsow ta mesun kos. Pero e kantidat ka keda integro ta un man yen. Paso poko poko otronan a bin na imita komportashon robes di esnan ku ta hasi nan mes kulpabel na echonan ku no por mira lus di dia.
Esaki a bin bira parti dje kultura ku sigur no ta deseabel pesnan ku mester ehekuta lei i regla riba nos isla. Ken ta respeta bo si bo mes ta robes?
Le histoire se repet, paso e mesun hefe aki anteriormente a bin den disputa debi na mesun praktikanan aki den aña 2013.
Pero no te ta uniko paso tin varios dje kasonan aki mas, ku ainda no kabe ser investiga. Of a hinka nan den kashi kakalaka o lachi sin fondo. (Lands Recherche).
Si e Korpschef mes ta priña un agente polisial anto ta keda sin sanshoné , esaki ta krea un presedensia di marka mayo.

Antes tabata un honor pa un hoben bira agente polisial. Un orguyo pa bisti e uniforme, kustodia ku su FN 9 mm, un klop i un boei. Sali na bienestar di komunidat. Kombati kriminalidat i proteha e komunidat. Keda un homber/muhe ehemplar. Despues ku Ulandesnan a hala kita tabata Johan ‘Oom’ Oldenboom ku a tuma e batuta over i a sa pa algun dekada maneha KPNA den un direkshon, ku ounke kwantu mareo por tabatin ela sa di mantene su rumbo.
Ela eksigi respet di tur hende i impone integridat serka tur agente. Esun ku no tabata sirbi tabata afo.
Mesun rumbo su pupilo Mr. Fred Wiel kontinua kune ore a tuma e batuta over.
Tabata na momento ku Fred Wiel a baha komo Korps Chef i otronan a bin bira hefe kos a bin kambia. Pasobra esakinan a bin asosia nan ku tur gremio den nos komunidat.
Nan a bin bira fragil pero tambe a bin sera skol di polis i e internat na Rio Canario.
Aki kuerpo polisial a bin kai den un abismo sin fondo. E profeta di varios politiko derechita na Korsow tambe kontribui ku esaki. Paso Rutsel Martha (kaviar, Don Perignon, Jaguar, sapatu di kueru di kaiman), kende a probecha di benefisionan di Kas di Antiya (gobiernu di Antia) tempu ku e tabata na Brussel a bin ku kambionan nunka bisto i nombramentunan ku no por a mira lus di dia.

Aki un biaha mas ta nos mes hendenan a pompa nos.

No ta Alto Komisario Van Balengooien-De Jongh. E no tabatei mas.

Ta aki e Waterloo a inisia pa KPNA ku despues a bira KPC.

Ki mishi antes bo por mira sorto di komportashon dje tipo aki serka un Angel Adem, Shon Jan Martina, Donny Tromp, Betty Jansen, Jo Catalina (Jo Cat), Richard van Dinter, Stanley Goila, Brain, Bryson, Fonseca, Castillejo Cova, Joy Bergen, Toni Pinto, Shon We Cratsz, Joe Pinedo, Victor Archangel i Paco Chatlein e.o..

Awe nos ta 16 di Aprel 2018 i mester pasa basora den e rotsoi ku ta reina den sierto partinan di Kuerpo Polisial pasobra e loke a pasa ku e Bosero Polisial ku ta kara di Kuerpo Polisial, un síntoma di un situashon kompletamente sensurabel.
Mester bini un investigashon integral kondusi pa un komishon, ku ta gosa di bendishon di nesesariamente Ministerio Publiko i Ministerio di Hustisia pa bòltu e ultimo piedra.
Pero tambe emster tuma medida serio pa evita mas porkeria i bagamunderia den KPC.
No lubide kaso dje èks Hefe di VDC kende nos a investiga pa varios tempu i ku ta debi ne investigashon di Integridat eksigi pa Prokurador General Schram e tempu ei e mester a bandona e funshon.
Pasobra tabatin kos ku no por a mira lus di dia.

Leave a Reply