Kansieria na Ecuador ta deklará emergensha na frontera

Internashonal

QUITO – Ayera gobièrnu di Ecuador a deklará estado di emergensha na frontera di Ecuador na tur ofisina di Imigrashon na siudatnan manera Bochincha i El Oro, den nòrt i sur dje pais pasobra nan tin ku dediká hopi atenshon ne masa mensual di venezolanonan ku ta yega e pais. Den un komunikado kansiyeria ta informá ku último dianan aki venezolanonan tabata mèldu na gruponan di 4200 hende pidiendo pèrmit pa drenta i nan no tin kapasidat pa atendé asina tantu hende.

E minister di Sanidat, Santiago Chávez a firma e dekreto ku e meta pa traha i ehekutá un plan kaminda ta kordiná akshon pa yuda e venezolanonan. Aña pasá 288.005 venezolano a drenta Ecuador i e aña aki lo tin mas mirando e kantidat ku tin na frontera. Pa miedu ku e presidente kolombiano nobo lo sera frontera e colombianonan tin ansha i urgensha pà krusa bai Ecuador.