Kasnan di pueblo di gobiernu no ta sigurá kontra kandela

Lokal

WILLEMSTAD. Tin un montante di 15,5 mion florin ku gobiernu a retene for di hurdónan di kas di gobiernu pero no ta uza e plka aki pa siogurà e kasnan ontra kandela.
T’asina ku den un karta manda pa Gobièrnu, Minister Zita Jesus-Leito a un siudadano [oppas di 89 aña] ku Teritorio Insular di Kòrsou nunka a segurá kasnan di Pueblo kontra kandela i ku Fundashon Kas Popular [FKP] durante 39 aña di su eksistensia támpoko a haña instrukshon pa hasi esaki.
Ta pesei niun kas di Pueblo di Gobièrnu no ta segurá kontra kandela i ku e hürdó na momento ku surgí un kandela e tin ku karga su propio responsabilidat.
Den e mesun karta minister ta splika e siudadano ku e suma ku Fundashon Kas Popular [FKP] a retené 18 aña ilegalmente na hür pa un montante di NA 16.500,00, sin apoderashon firmá pa e oppas, ta wòrdu deskontá for di e gastunan di daño kousa pa kandela.
Tur esakinan siendo ku nunka a eksistí un kontrat di hür entre partidonan esta e oppas i Gobièrnu/FKP.
Ku e splikashon aki Minister Jesus-Leito a legalisá ku FKP por manda kobra kalké instansia na nòmber di kalké hende of kliente, sin esaki a bai di akuerdo i firma pa retenshon.

Pa kolmo e oppas no ta e hürdó!

E loke ku ta kaba di hasi e asunto mas remarkabel ta ku Sociale Verzekerings Bank [SVB] tambe a bai di akuerdo ku e apoderashon manda pa FKP sin firma i a retené e suma pidí i a entrega esaki durante 18 aña sagradamente na FKP.
Oppas no a bai di akuerdo nunka ku e retenshon di Naf 75,00 pa luna. E gastunan di e dañonan kousa pa kandela nunka a ni sikiera a ser presentá na dje.