Kaso di atrako di 400 florin riba chines lo sigi dia 18 di ougùstùs

Lokal

WILLEMSTAD. E suidadano Ralph F di 55 aña di edat ta sospechá di a tira atrako dia 17 di yanüari último i a logra kita 400 florin for di un pareha chines di un minimarket. Ta trata aki di un atrako ku tabata kompañá ku hopi violensia. Tratamentu di e kaso den korte no por a tuma lugá ayera ainda, pasobra tin informashonnan importante ku mester subi mesa.

Pa kuminsá tin e rapòrt di Reclassering ku no ta kla, ademas tin imágennan di vidio ku e abogado mr. Rooijer ke disponé di dje pa prepará su defensa i finalmente tin un rapòrt ku ta trata di kondishon di e arma di kandela ku mester a keda uzá den e kaso aki. Wes mr. Gruijters riba petishon di fiskal a bai di akuerdo pa laga tratamentu di e kaso aki kontinuá dia 18 ougùstùs binidero.

Leave a Reply