Menki Rojer ta furioso…. Mike Franco ta un lakayo di Ulanda na St. Eustatius

Lokal

WILLEMSTAD. Inkreibel pero bèrdat ku na momento ku Kòrsou su futuro inmediato ta kologa na un hilu si e problema PDVSA versus ConocoPhillips rementá den nos kara i kousa klousura di nos refineria, parlamento ta habri dia diskutiendo riba supuesto atropeyo di Ulanda kontra Sint Eustatius! Hasta e terser i ultimo punto di agènda, ku te skandal di 985 mil florin ku a disparsé manera sneeuw den solo pa traha un vèlt di yerba na Barber a haña preferensia riba e problema monumental ku ta kologá riba nos kabes.

Frakshon di PAR a propone pa atendé e punto aki promé loke MFK a lamentá pasobra ta nan a pidi e reunion. Despues di konsulta interno PAR a retirá nan proposishon i diskushon riba Sint Eustatius por a kuminsa. (E situashon riba Sint Eustatius nos lesadónan por a tuma nota di dje den korant di ayera djaluna ku e relato riba Mike Franco kende ta Komisario di Reino na Sint Eustatius).

I papiando di Mike Franco, ora Menki Rojer a tuma palabra ela kuminsa pa kalifiká Franco komo un lakayo di Ulanda ku ta uzé pa invadi Sint Maarten. Pero na Ulanda durante reunion inter parlamentario nos hendenan di Kòrsou a priminti di apoyá Clyde van Putten pero aki tambe gobiernu di Kòrsou a lage na kaya. Manera por a spera e parlamentario Menki Rojer a habri afó fuertemente kontra presensia di Mike Franco komo komisario di Ulanda na Sint Eustatius i a kalifiké komo un lakayo di Ulanda.

Rojer a sulfurá kontra e hendenan ku tin manera adulashon pa Ulanda i makamba i ta trata nos bandera di Korsou. Esei mes a pèrmiti ku a pèrmiti pa ConocoPhillips pone beslag riba produktonan di PDVSA riba e isla i na Kòrsou tambe sin ku gobiernu di Korsou a protesta. Loke Menki Rojer a lamentá ta ku awor ku Ulanda a invadi Sint Eustatius i a isolá Clyde van Putten, gobiernu di Korsou i si Sint Maarten a laga Van Putten kai manera patía. De paso Menki Rojer a reklamá ku presidente di parlamento ta publiká ken a bin of laga di bin reunion pero ta tarda pa yama reunion riba temanan di aktualidat manera loke ta pasando na Sint Eustatius. Loke a sigi despues tabata simplemente algun ‘round’ stail di bati Ulanda manera Huda……

Leave a Reply