Muhénan venezolano ku outoridat kapturá no ke bai nan pais bèk

Polisial

WILLEMSTAD – Mas lat den oranan di anochi ora ku tur hende a pensa ku kontròl di ouitoridatnan a kaba, e mesun tim ku tabata konsisti di Bab, Meo , Brandweer i tambe polis a sali kaya bèk i a bai un snèk den area di Seri Lora. Na momentu ku polisnan a yega na e snèk kuater muhé a kore limpi bai for di e sitio na momentu ku nan a tuma nota di polis. Pero un bon trabou di polis a logra di pone man riba tur kuater. E muhénan aki tambe tabata keda di forma ilegal riba nos isla i tabata yora bastante na momentu ku nan a keda detené pa motibu ku nan no ke bai nan pais bèk mirando kon malu kos ta na Venezuela. A hiba nan warda di polis kaminda ku a entrega nan den man di Imigrashon. Tambe a sera e snèk aki mirando ku e papelnan no tabata na ordu.

Leave a Reply