Pa initmidá su famianan… Kurasoleño a asesiná Marokano na Amsterdam

Lokal Polisial

WILLEMSTAD – Mashá konmoshon e asesinato dje marokano Reduan Bakkali a kousa na Ulanda siman pasá bispu di Bierne Santu ora ku e kurasoleño Shurandy alias ‘Andy’ ku no tabatin reputashon di ta kriminal peligroso, bou di preteksto di a bai solisitá pa un trabou, a tira e empresario marokano Reduan Bakkali mata den su ofisina na Amsterdam.
Loke e asesino a lubidá probablemente siegá pe plaka ku e lo a kobra i pa falta di eksperensia ta ku rònt ofisina di Bakkali tabatin kámara di siguridat ku a graba tur kos i den praktikamente un ora despues dje asesinato premeditá, polis a gar’é.
E tabatin dos kómplise ku tambe ta será.

…..Reduan Bakkali a bira viktima di Shurandy S. alias ‘Andy’……

VIKTIMA INOSENTE
Loke a pasa den e kaso aki ta ku ruman dje viktima ta anda den sirkulo kriminal marokano na Ulanda i estando presu, a disidi di kopera ku polis i basha’bou riba su èks kompañeronan den krimen.
Komo ku e èks kompañeronan aki no por haña Nabil Bakkali, nan a laga mata su ruman ku ta un komersiante serio ku sumes empresa.
Esei ta komo señal ku nan a manda pa Nabil ku e ta e proksimo riba e lista di viktima.

…Nabil Bakkali a bira kolaborador di polis kontra su kompañeronan den krimen…..

Djasabra ultimo polis a informá ku nan a detené tres hende.
Un di nan ta Andy S., di kende nan tabatin tur detaye pasobra por a mir’é klaritu riba e imahennan di kámara di siguridat.
Polis a aresté na Hilversum i nan tabatin pruebanan genetiko di dje ku nan a haña den e ofisina di Reduan Bakkali.
Djasabra mainta despues ku nan a ‘grill’ e Kurasoleño, polis a detené dos kómplise di 31 i 34 aña. Nan ta será den isolashon total.
Polis tabata konose Andy pero no pa krimennan serio.

GREEN GANG
Fuentenan den e sirkuito kriminal na Ulanda a konektá Andy ku otro konosido kriminalnan antiano den region di Amsterdam-Zuidoost kontra kendenan tin sospecho di un seri di likidashon. Entre otro ta sospechá nan di a likidá miembronan dje grupo di ‘gangstarap’ Green Gang.

Andy S., a nase na Korsou i na Ulanda e tabata move prinsipalmente den Almere i Gooi.
Riba su karchi di kastigu tin anotá ku na desèmber di 2016 ela maltratá un persona hinkando su moketa den boka i garganta dje viktima.
Aña pasá november ela kibra pa hòrta den un outo i un luna promé ela kibra kuater outo pero no gran kos.
No ta konosí si a lastr’é dilanti wes pe destrukshonnan aki.

Leave a Reply