Pelea formal entre hefe y trahado

Aruba

Diaranson, pa mas of menos 12’or y 10 di merdia, Central ta manda unidad di stranpolitie na un high rise hotel pa unmelding riba un conflicto entre un trahado y un manager y otro personal. Un rato despues a drenta un otro melding cu lo tabata tin un pelea andando. Tanto unidad di Noord y ambos unidad di strandpolitie, a bay mas pronto posibel na e sitio Polis a topa dilanti entrada, un cantida di persona, entre otro e general manager B., doño di e compania di siguridad cu ta traha na e hotel S. y e trahado M. E trahado cu a causa tur e problemanan aki tambe tabata tey.

Ta trata di e homber T., kende ta traha pa e compania di siguridad di S. den e hotel. Tabata hopi cla cu e tabata deremate. Ambos partido a wordo separa di otro. For di un investigacion a saca afo cu T., pa motibo di un conflicto cu un otro manager di e hotel, a bay cu su storia na e general manager. T. a drenta razo den e oficina di e general manager, pa asina bay duna su keho. Aki emocionnan a escala a expresa un idioma menasante contra di e general manager B. E hefe di T. a wordo yama acerca, e homber S., kende a bin hunto cu un trahado yama M. Ora cu kier a saca T. for di e oficina, T. a bisa agresivo y a propina S. cu un mokete na su cachete.

Ya den un forsegeo a sali via e lobby dilanti di e entrada. Un rato despues, polis a yega na e sitio. S. kier a duna keho di maltrato contra T. Pa 12’or y 40, T. a wordo deteni y hiba na warda di strandpolitie. E sospechoso a presenta dilanti di fiscal auxiliar, kende a laga encarcel’e pa mas investigacion. Recherche a wordo poni na altura y a tuma e investigacion over.

Leave a Reply