Preguntanan ku MFK a manda pa Gijsbertha riba Girobank

Lokal

WILLEMSTAD – Siendo Kenneth Gijsbertha minister di finansa enkargá ku finansa di pais Kòrsou, frakshon di MFK ta aserka su persona ku un seri di 11 pregunta.
1. Kua tabata e motibunan ku a kondusi CBCS pa impone e medida pa pone Giro bou di kuratela?
2. Awe kuater (4) Ana i tres (3) luna despues ainda no a koregí e motibunan ku a kondusi na e desishon tuma dia 16 di desember 2013 i ku por saka Giro for di bou di kuratela di CBCS?
Si kontesta riba pregunta dos (2) ta afirmativo, Minister por informa Parlamento kua ta e puntonan ku ta pone ku te ainda Giro ta bou di kuratela di CBCS?
I un pregunta ku naturalmente no por a faya ta esun kaminda Schotte ta puntra ku si ta pa negligensia di Banko Sentral su supervishon tabatin fayo.
Tambe e sa kon por ta ku atrobe e mesun Giro atrobe ta den tantu kontroversia manera den pasado a tuma luga un biaha kaba. (E no ta splika kua tabata esun biaha kaba. red).
Schotte ke pa Gijsbertha informa Parlamento ken ta e direktornan ku Giro a konosé for di dia a pone e medida aki i na e momentunan aki kua ta e direktornan den funshon i si te intenshon pa sera mas filial di Giro i lo ta bai tin retiro di empleadonan.
E mester a tende algu ku ta buskando un sosio pasobra ela puntra si ta bèrdat ku ta buskando un sosio pa asina kapitalisá Giro finansieramente.

E ke sa si Gerensia di Giro ta informa e empleadonan periodikamente riba desaroyonan pa loke ta trata nan posishon i di e banko i si klientela di Giro ku tin nan sen di spar i ku tin aktividatnan komersial ku Giro lo por tin konsekuensia negativo pa nan.
Dado kaso na final ken ta responsabel pa apsorbe esakinan i pa no perhudika e klientela i komersiantenan.
Presuntamente Schotte a hasi e preguntanan aki pasobra Korsou no por permití su mes e luho pa mas yu di tera i/ of empresanan sera nan portanan.

Leave a Reply