Segun dokter e ta bon di su nervionan Detenido laga liber pasobra e tabata incontrolabel

Aruba

ORANJESTAD – E hecho aki a tuma luga cu un detenido cu ta cera na Warda di Polis na Shaba y kende tabata haci masha fastioso mes y mirando cu dokter no kier a mand’e PAAZ, a dicidi pa lague liber.
Tabata pa 11’or di mainta dia 10 di april ultimo cu Polis a constata cu e detenido G di 32 aña a tira su sushi humano den su cel y a frega tur rond cu esaki. E enfermero M a wordo poni na altura di e situacion aki door di e Chef di Servicio na warda, y a priminti di pasa mas laat pa evalua e situacion di e homber aki.
E detenido cu ta sufri di un trastorno psychico a haci e mesun acto aki riba diamars durante oranan di anochi. Esta cu su sushi el a frega rond di su cel y tabata tira esaki. E tabata keda grita y suta riba e porta. Durante henter dia el a keda ta grita y dal contra e porta di hero di su cel.
Mirando cu riba dia 11 di april e tabata den e mesun situacion, e hefe di turno a tuma contacto telefonicamente cu dokter V., kende a regla pa e detenido M por wordo trata na Prome Auxilio.
A regla pa personal di CEA transporte pa 11’or di mainta pa Eerste Hulp. Rond di 12.45 G a wordo treci bek pa Warda di Polis na Shaba y personal di CEA a informa nan cu dr. G di PAAZ a informa nan psychicamente G ta den su miho momentonan y cu no ta necesario pa e wordo interna den loke tabata antes PAAZ. A dicidi di hinke bek den su cel y mesora el a cuminsa grita y suta contra e porta.
Fiscal Auxiliar di turno CvD a wordo poni mesora na altura di e situacion. Den consulta a dicidi pa lague inmediatamente den libertad.

Leave a Reply