Laga nos prepará nos yunan pa nan ta responsabel ku nan finansas

Sosial

WILLEMSTAD:  Banco di Caribe a introdusí su kuenta di spar pa mucha entre 0 i 18 aña.  E lansamentu di ‘Tesorito’ a tuma lugá ayera na Sambil i a konta ku vários aktividat, entre nan un presentashon di Excell Arts Academy i tambe donashon na tres organisashon. Sr. Fons Simon, CEO i General Managing Director di Banco di Caribe a gradisí tur hende pa nan presensia, “Awe nos ta hasi un paso importante den direkshon di un futuro sólido pa mucha i hóbennan di Kòrsou. Sparmentu ta masha esensial den edukashon finansiero di un mucha. Ta kuminsá di chikitu ku un sparpòt, i ta yena e sparpòt ora ku nos premia bon komportashon òf bon rapòrt di skol. Di mes manera por siña nos yunan spar ku un meta spesífiko. ‘Tesorito’  di Banco di Caribe ta permití e mucha òf hóben spar ku benefísio”.

 

‘Tesorito’ pa bida largu

E kuenta di spar ‘Tesorito’ ta ofresé un interes spesial, tambe un interes di 1% èkstra na momento ku e mayor òf yu mes, spar un mínimo di 25 florin tur luna, durante 3 aña largu. E yu lo risibí un ‘kahita’ di spar grátis ku ta siñ’é spar independientemente na kas. Tin hopi benefísio mas unabes ku un mayor komprometé na spar pa futuro di su yu, por ehempel pa un estudio.

 

Donashon na tres tesoro!

Durante di e atardi a hasi entrega di un donashon spesial na Fundashon Guia- Eduká i Forma, Excell Arts Academy i Children’s Museum. Tur tres organisashon ta dediká na formashon sosial i artístiko di hóben na Kòrsou. Sr. Simon a sigui elaborá riba e tópiko, bisando ku tin un libertat hopi grandi ora ku bo ta den kontròl di bo situashon finansiero. Un manera pa hasi esaki ta spar. “Laga nos no lubidá ku mucha ta siña  di e hábito di adulto. Laga nos prepará nos yunan pa nan ta responsabel ku nan finansas.” Huntu ku e maskota Tesorito, Banco di Caribe ta sigur di por trese un balor agregá den e formashon finansiero di kada mucha ku abri un kuenta Tesorito. Pa mas informashon, por bishitá www.bancodicaribe.com òf yama 432 3200 i kuminsá spar awe mes!

Leave a Reply