Trio di ladron tabata hòrta koper di Hospital Nobo na Otrobanda

Lokal

WILLEMSTAD. Djaweps 17 di mei 2018, alrededor di 19.20 or, Sentral di Polis a risibí notifikashon ku na un edifisio den konstrukshon na Hamelbergweg un ladronisia a tuma lugá. Na yegada di e patruya polisial na e sitio nan a komprondé ku un trahadó ta hòrtando kabel di koper i hinka esakinan den su pikòp. Polis a topa ku e pikòp riba tereno di e edifisio den konstrukshon i a bai kontrolá den esaki. Patras di e stul di e pikòp polis a haña kabelnan diki di koper probablemente prosedente di ladronisia.

Na e sitio polis a detené tres okupante di e pikòp e hòmbernan:
A.F.D.J. di 44 aña di edat;
S.A.R.M. di 48 aña di edat;
E.A.L. di 61 aña di edat, tur tres nasé na Kòrsou, komo sospechoso di e ladronisia ariba menshoná.

Polis a konfiská e kabelnan di koper i e pikòp pa mas investigashon. A presentá e sospechoso dilanti di un Fiskal Ouksiliar ku a ordená nan enkarselamentu pendiente di mas investigashon.

Leave a Reply